Real hadisələrə əsaslanan filmdə, iki müxbir dost itmiş bir qız haqqında araşdırma etmək üçün yola çıxarlar. Səfər əsnasında bir kəndə rastlayarlar burada yaşayanlar həyatdan qopmuş insanlardır və qruplarına Cənnət Təriqəti deyirlər. Təriqətin lideri də “Ata” dedikləri bir adamdır. İlk başlarda çox gözəl qəbul olunsalarda zaman keçdikcə qorxunc gerçək ilə üz-üzə gələcəklər.

Filmin mövzusu “Peoples Temple” (başqa adla Jonestown qətliamı) adlı hadisədən götürülüb. Film o qədər əla olmasada hekayə dəhşətdir. Film nə qorxulu nə maraqlı nə də əyləncəlidir sadəcə sənədli film tərzində çəkilmiş sonlara kimi sakit irəliləyən və son səhnədə insanı şoka salan filmdir. Təbii ki, şoka düşməyin səbəbi film yox hadisənin real olmasıdır. Filmin sonuna kimi “mən bu filmi niyə izləyirəm?” deyirdim amma çox yaxşı ki izləmişəm.  Sözü gedən  hadisə 1977-ci ildə baş verib və Amerika cəmiyyətinə böyük bir zərbə vurmuşdur. Xalqın təriqətlərə baxışı bucağı böyük ölçüdə dəyişmişdir. İndiyə qədər bu olanların səbəbi hələ də məlum deyil.

Filmin ssenarisində real həyatdakı adlar dəyişdirilmiş olsa da açıq aşkar Jonestown qətliamından göturulduyu məlumdur.