Lethal Weapon kimi böyük bir aksiyon silsiləsinin ssenaristliyini etdikdən sonra qara komediya ağırlıqlı,cinayət-sirr filmi Kiss Kiss Bang Bang ilə ilk rejissorluq təcrübəsini yaşayan Shane Black, 2013-cü ildə Robert Downey Jr. Ilə birləşərək Iron Man 3-ü idarə etmişdi. Rejissor yeni filmi The Nice Guys ilə başladığı nöqtəyə geri dönür və bizlərə 70-ci illərin Los Angeles-ində özəl bir dedektivin; itkin düşmüş qadınların,cinayətlərin və silahların olduğu bir hadisəyə qarışmasını əks etdirir. Bir çoxları bu sətirləri oxuyarkən ağlına İnherent Vice filmi gəlir. Bəli, The Nice Guys-ın ssenari olaraq Paul Thomas Anderson-un keçən ilki son filmi Inherent Vice-a inanılmaz dərəcədə bənzədiyi doğrudur. Ancaq bu yayımlanan traileri izlədikdə The Nice Guys ilə Inherent Vice-ın eyni olmadığının fərqinə varmaq olar.
İlk öncə bunu qeyd edək ki, Inherent Vice Thomas Pynchon-un romanına əsasən çəkilmiş qara komediya-noir birləşməsi bir film ikən,trailerini izlədiyimiz The Nice Guys isə Shane Black-in Kiss Kiss Bang Bang kimi iki əsas əks personaj ilə bəzi yerlərdə parodiyaya qaçan bir komediya tərzinə sahib, ancaq bir sirr filminə görə action və həyəcanın olduqca bol yer verildiyi bir film kimi görünür.