Mario Puzonun eyni adlı əsəri əsasında rejissor Francis Ford Coppola çəkilmiş şedevr.Bir çox dərgi, poll və kritiklərə, həmçinin də izləyicilərə görə bütün dövrlərin ən yaxşı filmi. Xaç Atası. Bir Qanqster filminin qalxa biləcəyi ən yüksək zirvə. Xaç Atası trilogiyasının ilk iki hissəsi ən yaxşı film kateqoriyasında Oskara layiq görülüb.Xaç Atası trilogiyası Carleone ailəsinin kriminal aləmdə həmçinin də ailə daxilində üzləşdiyi problemlərdən bəhs edir. İlk filmdə Don Vito Carleone mafia ailələri arasındakı iğtişaşların öhdəsindən gəlməyə çalışır və bu yolda bir sıra qurbanlar verməli olur. Onun böyük oğlu Santino çılğln və avtoritet düşkünüdür, atasından sonra ailənin başına keçməyə hazırlaşır, digər oğlu Michael isə müharibə veteranıdır, sakit həyat sürməyin xəyalları ilə yaşayır, lakin xəyallar bəzən tərsinə dönür. . .