HBO kanalının 2017-nin əvvəllərində yayımladığı baş rollarda Nicole Kidman,Alexander Skarsgård, Shailene Woodley və Reese Witherspoonu gördüyümüz mini serialıdır. Monterey dəniz kənarında, sahildə yerləşən bir qəsəbədir. Burada demək olar hərkəs bir-birini tanıyır. Jane(S.W) oğlu Ziggy ilə Montereyə köçür. Madaline (R.W) və Jane yolda təsadüfən tanış olurlar. Madaline iki qız anası, evdar qadındır. Celeste`in (N.K) iki oğlu və sadəcə kənardan xoşbəxt görünən bir ailəsi var. Madaline Jane`i hamı ilə tanış edir. Celeste, Madaline və Jane dost olurlar,uşaqları eyni məktəbə, 1ci sinifə başlayır. Hər 3 qadının həyatında problemlər var. Hər 3ü də xoşbəxt deyil.
İlk bölümdən bir cinayətdən bəhs olunur, qəsəbə sakinləri polis tərəfindən sorğulanır və maraqlısı odur ki, suallar sadəcə bu 3 qadın haqqında verilir. Ölən və öldürəndən bəhs olunmur. Sadəcə 7 bölümdü və HBO yayımıdı, yoxlamağınıza dəyəcək bir mini serialdı.