Yaşlanmış və təqaüdə çıxmış Şerlok Holms özünün sonuncu cinayət araşdırmasını yada salmağa çalışır. Bu işdə ona baxıcısının kiçik oğlu kömək edir.
Film Şerlok Holms-un digər adaptasiyalarından fərqlənir. Əgər əvvəlki filmlər Holmsun dedektiv qabiliyyətlərinə köklənirdisə bu film daha çox Şerlokun insani keyfiyyətlərindən bəhs edir. Əfsanəvi aktyor Ian McKellen Holms rolunu özünəməxsus şəkildə ifa edir. Rocer rolunu oynayan Milo Parker uşaq olmasına baxmayaraq, öz rolunda sərbəstdir və Şerlokla onun obrazı arasındakı dostluq münasibətləri olduqca səmimi və inandırıcı görünür. Müasir Şerlok adaptasiyalarında rast gəlinən aksion səhnələri bu filmdə yoxdur. Bu da bəzi izləyiciləri yora bilər. Lakin keyfiyyətli rejissor işi, səliqəli ssenari və güclü aktyor oyunu filmi baxımlı edir.