Nyu-Yorkda Yeni il qabağıdır.Tanınmış həkim Bill Harfordun arvadı açıq-aşkar ərinə etiraf edir ki, onun başqa kişiylə intim əlaqədə olmaq fikirləri var. Harford təlaşa düşür. Arvadının bu etirafı onun sevgi cəbhəsində axtarışlara çıxmasına təkan verir. Əvvəl o, ölmüş pasientinin qızı ilə, sonra isə bir həyat qadını ilə tanış olur. Cavan kişi onunla mehmanxanada eşqbazlıq edir.Arvadına xəyanət etməyi fikirləşməyən Bill dəvətsiz və gizlicə qəribə bir kluba gəlir. Buradakı insanlar Venesiya karnavallarının maskalarındadırlar və anlaşılmaz ləhcədə danışırlar.Onların vaxtı son dərəcə əxlaqsız,intim ritualları sayəsində keçir. Görünür, bu klubda hansısa nüfuzlu bir şəxs var. Klubdakı bu mərasimin iştirakçıları Harfordu aşkara çıxarırlar. Lakin oradakı qızlardan biri onun əvəzinə cavab verməyi, klub üzvlərilə hesablaşmağı öz boynuna götürür.
Evdə arvadı Bill-ə öz yuxusunu danışır. Bill ona qulaq asdıqca, yuxunun klubda gördüklərilə səsləşdiyini görür.Filmdə göstərilənlər tamaşaçıya həkim Harfordun başına gələnlərin həqiqət, yoxsa xülya olduğunu dəqiqliklə çatdırmır.
Film Stenli Kubrikin kinoda son işidir və rejissorun ölümündən bir neçə ay sonra ekranlara çıxmışdır.
Film haqqında tənqidçilərin fikri müxtəlif idi. Bəziləri onu Stenli Kubrikin ən uğursuz filmi adlandırırdı. Başqa tənqidçilər isə bu filmi “sonuncu şah əsər” sayırdılar.