Hesabınız yoxdur? Qeydiyyatdan keçin


Giriş


Parolunuz yoxdur?
(bağla)

Hesabınız var? Giriş edin


Qeydiyyat


(bağla)
  • Top 100
  • Şişirdilmişlər (2-ci hissə)

    “Şişirdilmişlər” məqaləsinin davamı. Nələri lazım olduğundan çox önə çıxarıb, nələri nəzərdən qaçırırıq?

    Şişirdilmişlər 1-ci hissəsini oxumamısınızsa buradan oxuya bilərsiniz.

    Ceyms KameronTitanik və Avatar. Kameronun uğurlarına çoxları bələddir. Fikrimcə, rejissor kreslosunda layiqli və əvəzedilməsi mümkünsüz yerə sahibdir. Ceyms Kameron filmoqrafiya tarixinin ən böyük vizualistidir. Montaj, Operatorluq və rejissorluq qabiliyyətinə sahib bir dahidir. Filmlərin texniki göstəricilərinə söz ola bilməz. Avatar isə janrının və CGİ ölümsüz şedevridir, ancaq yalnız janrının. Onu təhqir edənlərlə razılaşmıram, çünki filmdə çatışmayan heç bir şey yoxdur. Sadəcə olaraq Avatar incəsənətin başqa növüdür. Gözəl əyləncədir, unudulmaz təcrübədir. Bunlarla razılaşaq. İndi isə özünüz düşünün, görəsən Kameron bir saat gəmi dağıtmadan drama çəkə bilərmi? Görəsən, Rouzu soyundurmadan filmin hər bir anında tamaşaçının diqqətini ekranda saxlıya bilərmi? Bir gəmidə baş verən sevgi hekayəsinə 100 milyondan az xərcləməklə (Titanik astronomik 200 milyona çəkilib) yaşada bilərmi? Bu sualların cavabını sizlərə buraxıram.

    P.S: 97-ci ildə ən yaxşı film nominantlarını gözdən keçirin. Digər tərəfdən Kameronun Terminator (1,2), Uçurum(Abyss) və digər filmlərinə də nəzər salmağa unutmayın.

    Kventin Tarantino. Bu insan üçün hansısa janrın ustası, öndə gedən ismi və yaxud buna oxşar bir şey demək bir o qədər də düz olmazdı. Tarantino çərçivələrə sığmayan işləri ilə həmişə yadda qalıb və ehtimal ki, bu templə də davam edəcək. Lakin ideal mühit olmadığı üçün Kventinin də çatışmazlıq və qüsurları var. Qüsurları ərsəyə gətirən əsas amil isə, yenə də biz izləyicilərik. Çoxları Billi Öldürmək (Kill Bill) dilogiyasına baxıb və əminəm ki, qəlbinin dərinliyində özünə bu sualı verib “hə nə olsun?”. Və yaxud  Ölüm Dəlili (Death Proof) filmində Kurt Rassell bir qrup gənc xanım tərəfindən öldürüləndə “bu nə idi?” sualını xatırlayaq. Tarantinonun gözəl işləri də az deyil. Kriminal Qiraət (Pulp Fiction), Şərəfsiz Alçaqlar (Inglourious Bastards), Zəncirdən Qırılmış Djanqo (Django Unchained) kimi çox üst səviyyədə işlər isə, hər bir seyrcinin qəlbini və alqışını fəth etməyə qadirdir. “Ceki Braun” (Jackie Brown), Çıldırmış İtlər (Reservoir Dogs) isə, bir qədər mübahisəli filmlərdir, çünki bu filmlərin süjet axını və ümumi axını ilkin növbədə baxıcı zövqünə əsaslanır.

    Djanqodan incə bir məqamı vurğulayaraq Tarantino ilə hələlik sağollaşaq. Djanqo, 2012-ci ilin ən yaxşılarından biri, bəlkə də, ən yaxşısıdır. (P.S: Mən 2012-də “Lincoln”u dəstəkləyirdim). “Djanqo” özündə tək bir janrı yox, müxtəlif janrın ən gözəl çalarlarını əks etdirir, lakin onu 21-ci əsrin ən yaxşı Vesterni adlandıranlar, fikrimcə, yanılırlar. Tarantinonun ərsəyə çıxardığı sonuncu Taranton Vestern çərçivələrindən kifayət qədər kənara çıxır. Rasizm və Demokratik yozumlar bu janrda o qədər də qabardılmır. Tipik Vestern də ləyaqət, şərəf və insanlıq əsas faktorlardandır. Necə ki, bu vurğulanan aspektlər 2007-ci ildə Ceyms Menqold tərəfindən lentə alınmış, baş rollarında Rassell Krou və Kristian Beyl olan “3:10 Yuma qatarı” və 2010-ci ildə Koen qardaşlarının çəkdiyi rimeyk əsər Həqiqi Kişilik (True Grit) filmlərində əks olunur. Bu səbəbdən də gəlin Vesternlərə və Tarantonlara layiqli dəyər verək.

    Vaçovski qardaşlar. Hər şeydən əvvəl vurğulamaq istərdim ki, Larri Vaçovskinin əsl adı Lanadır və Lana Vaçovski Endi Vaçovskinin bacısıdır. Bəs bu iki “qardaş” nəyə görə bu qədər gündəmdə qalıb? Cütlük son olaraq Tom Tikverlə birlikdə 2012-ci ildə Buludlu Atlas(Cloud Atlas) filmini tamaşıçılara təqdim edib. Bu film isə kinoteatrlarda kifayət qədər gəlir əldə etmədiyindən maliyyə böhranı yaşayıb. Bəs görəsən, bu filmdə Tom Henks, Helli Berri, Hyu Qrant, Hüqo Vivinq kimi ulduzların və bizim qardaşların imzası olmasa, film nələr yaşayardı? Vaçovskilərin öncəki işi olan Yarışcı Spid (Speed Racer) də həmçinin mənfi saldo ilə öz yayımını sonlandırmışdı. Geriyə isə Əlaqə (Bound) və Matriks (The Matrix) trilogiyası qalır. Əlaqə qara-komediya, psixoloji triller və kriminal Neo-noirdir, amma yenə də Şouşenki seyr etmiş bir çoxlarımızın bu filmdən də xəbəri yoxdur. Sonda yenə məhşur trilogiya ilə baş-başa qaldıq. “Matriks”in ilk hissəsi elmi-fantastika hesab oluna bilər. Hətta bu işdə surreal izlər də var(təsadüf də ola bilər.) İlk Matriks çoxlarını düşündürür, yeni kəşflər etməyə meylləndirir. Bəs ikinci filmdə də oxşar hisləri yaşayırıq mı? Əlbəttə ki, xeyr. Döyüş səhnələri, Ziondakı lazımsız cinsi əlaqə və məntiqsiz sonluq. Filmin elmi, psixoloji əsası ikinci plana enir və biz tipik bir boksofis blokbasteri izləyirik. Üçüncü hissədən isə heç danışmağa dəyməz.

    İndi özünüz düşünün, Vaçovskilər, həqiqətən də, bu dərəcədə diqqətə layiqdilər mi?


    Fikrinizi bildirin

    2 Şərhlər - "Şişirdilmişlər (2-ci hissə)"


    Sıralama:   Ən yenilər | Köhnələr | Bəyənilənlər
    07.06.2015 17:30

    əla yazıdır. burdakılar arasında nisbətən quentin tarantinonu bəyənirəm. belədə Steven Spielberg, Edgar VVright , coen qardaşları, Martin Scorsese. birdəki david finçernən david ayerində deməy olarki butun filmlərinə baxıb bəyəndiyim uçun az çox olarıda bəyənirəm.

    10.06.2015 18:06

    Kameronun en yaxshi filmi Terminator 2di. Tarantino zovqden asilidi.Django unchained en xoshladigim filmidi.Wachovski qardashlarinin da 2 guclu filmi var Matrix 1 ve Cloud Atlas. Bele duz qeyd etmisiz Kameron ve Tarantino cox shishirdilib. Wahcowski qardashlarini onsuzda cox guclu rejisor saymillar son illerde

    wpDiscuz

    Bütün replikalar

    Yay olanda qışı istəyirik, qış gələndə isə yayı. Buna görə də heç vaxt səyahətdən yorulmuruq.

    The Legend of 1900