Hesabınız yoxdur? Qeydiyyatdan keçin


Giriş


Parolunuz yoxdur?
(bağla)

Hesabınız var? Giriş edin


Qeydiyyat


(bağla)
  • Top 100
  • May ayının ən böyük 3 blokbasteri (2-ci Hissə)

    Kinoms dəyərləndirməyə davam edir! İlk yazının davamı: Road Fury və Tomorrowland.

    İlk növbədə dostlar bu yazını oxumazdan əvvəl dərc etdiyimiz May ayının ən böyük 3 blokbasteri 1-ci Hissəsi ilə tanış olun.

    İndi isə başlayaq. . .

    Mad Max: Road Fury

    Mad Max: Road Fury son illərdə, bəlkə də həyatım boyu izlədiyim ən yaxşı Action-drama. George Miller 71 yaşında bu filmə o qədər həyəcan, adrenalin qatıb ki, cavan uşaq(Millerin karyerasından daha gənc) James Wan Furios 7-də onun 10-da birini belə ərsəyə gətirə bilməyib. Bir sözlə mükəmməl bir film. Çoxlarına məlumdur ki, maşınlı Action səhnələrin özülünü atan şəxslərdən biri Mad Max 1-2 filmləri ilə məhz elə Miller özü olub, sonradan digər janrlarda da özünü sınayan Miller “Mastermind” kimi film tarixinə düşməyi bacaranlardandır. Lakin son 18 ildə rejissor kimi yalnız Happy Feet 1-2 həm rejissoru olduğundan və Mad Max layihəsində baş rola Tom Hardy gəldiyindən çoxları bu filmi “qoca Kişinin” uğurla çəkəcəyinə inanmırdı. Lakin o, Mastermind George Miller olduğunu bir daha sübut etdi.

    Bir neçə dəfə təxirə salınan Mad Max 4-ün premyerası gecikdi, səbəb isə ilkin mərhələ sonrası prodüserlərin Millerin işini bəyənməməsi və Tom Hardy-nin onu bacarıqsız qoca kaftar adlandıraraq bir müddət çəkimlərə ara verməsi olmuşdu. Uzun dönəmdən sonra premyera baş tutdu və filmi izlədik. Bir sözlə: Dahiyanə. Bəs niyə?

    İlk növbədə günümüzün effektləri əsas CGİ(kompyuterlə düzələn görüntülərdən) köməyi ilə ərsəyə gətirilir. Bu film isə CGİ və praktik effektlər, dekorasiyaları birgə çox möhtəşəm şəkildə inteqrasiya edir. Film çox sürətli və kəsintisiz action dolu olsa da iti montaj o qədər səlis işlənilib ki, biz kadr dəyişəndə belə bütün detalları tam rəngində görə bilirik. Operator işi çox dəqiq, həddən artıq bol action olan filmdə demək olar ki, titrək səhnə yoxdur. Dinamik kadrlar tam aydın şəkildə izləyiciyə ötürülür. Uzaq-yaxın plan səhnələrinin ardıcıllığı çox gözəldir ki, burdada montaj öz sözünü deyir, maşınlı səhnələr, rəngarəng kostyumlar, Charlize TheronTom Hardy-dən gözəl oyun, həmçinin gənc Nicholas Hoult-dan da. Filmin əsas ssenarisi özlüyündə şablonlar da çox kənara çıxmasa da, tez-tez verdiyi xırda mesajlar, feminizmin önəmi, təbiətə qarşı etdiklərimizin nələrə səbəb olma ehtimalı, fərdlər arası və daxili münasibətlərin cəmiyyətə təsiri və digər aspektlər çox qabarıq şəkildə izləyicilərə çatdırır. Və əlbəttə ki, bəstələr çox gözəldir. Junkie XL-ə əhsən! Düşünürəm ki, elə bir neçə il belə bir Action flick görməyəcəyik.

    Kinoms bu filmə 100 üzərindən 99 verməyi özünə borc bilir.

    Sabahistan (Tomorrowland)

    Brad Bird rəsmən mastermind ləqəbi daşımaya bilər, lakin bugünə qədər zəif işi ilə qarşılaşmamışıq. Mission İmpossible, Ghost Protocol, Ratatouille, Incredibles və İron Giant. . .

    Tomorrowland-i isə məndən fərqli olaraq bir çoxları o qədər də bəyənmədi. Səbəbini dəqiq bilmirəm, amma fikirlərə hörmət edirik. Yaxşı bəs mən filmi niyə bəyəndim?

    İlk növbədə filmin mesajı(düzdür, bir o qədər effektli çatdırılmasa da) çox, amma çox gözəldir. Dərin və fəlsəfidir. Gələcəyi, sabahı düşünməyə, həqiqətən də, vadar edir. Bəlkə də, ən böyük problemlərdən biri bundan əvvəl heç bir Disney filmində bu qədər dərin mesajın olmamasıdır. Bu arada deyim ki, Tomorrowland Disney parkında eyni adlı atraksiondur. Filmin ssenarisi də məhz bu konsept üzərindən yazılıb. Əsas ideya da dünyanın sonunu görməmək üçün etməli olduqlarımız üzərinə fokuslanıb. Nə isə Mesajı boş verək. . .  Hələ ki, keçdik Kinematoqrafiyaya.

    190 Milyon dollarlıq mükəmməl vizual şou. Rejissor və operator işi üst səviyyə, Claudio Miranda bir daha sübut edir ki, əbəs yerə Life of Pİ filmindəki kinematoqrafiyaya görə oskara layiq görülməyib. Dalğalı aşağıdan götürülən iri planda nəqliyyat vasitələri olan səhnələr və dinamik bir kadrlıq anlar(xüsusən də Tomorrowland-ın 3 dəqiqədən artıq davam edən promosu) göz oxşayır. Səs effektləri çox səlis işlənib. Su, kiçik vertolyot, hətta kola qapağının səsi izləyiciyə bütün rəngində səsləri çatdırır. RƏng demiş filmin azca tünd COLOR correctionu da bu Disney filminin ciddiyətindən xəbər verir. Əla soundtrackler. Mükəmməl Heyət və çox mükəmməl GEORGE Clooney. Bunlar filmin yaxşı tərəfləri.

    PİSLƏR: Age of Ultron da, bu disney filmi də montajdan əziyyət çəkir. Sanki film X saat olub Disney məcburi onun bir hissəsi kəsdirib(Avengersdə onsuz da bu rəsmi idi, burada da oxşar şeylər sezirəm) FIlmdə bir neçə artıq detallar var ki, nəyə xidmət etdikləri bilinmir. Ən böyük nümunə də Hugh Laurie və Eiffel qülləsi 😉

    Belə. Bu filmə də Kinoms 100 üzərindən 88 bal verir!

    Qeyd: Mayda bir neçə digər hitlər də işıq üzü gördü. Şübhəsiz ki, Pitch Perfect 2 mayın ən böyük uğuru olsa da, mənim bankrot olacağını düşündüyüm San Andreas(100 milyon büdcə) də..


    Fikrinizi bildirin

    Fikrinizi ilk siz bildirin


    wpDiscuz

    Bütün replikalar

    İnsanlar yalan danışmasa dünya daha gözəl bir yer olacaq.

    Love is Strange

    zzsdc