Hesabınız yoxdur? Qeydiyyatdan keçin


Giriş


Parolunuz yoxdur?
(bağla)

Hesabınız var? Giriş edin


Qeydiyyat


(bağla)
  • Top 100
  • Böyük mübahisələrə səbəb olmuş hadisələr haqqında çəkilmiş ən yaxşı filmlər

    Dünyada və ya Amerikada böyük qalmaqallara səbəb olmuş hadisələrdən yola çıxaraq çəkilmiş izləməli olduğunuz bir-birindən maraqlı filmlər.

    20. Fair Game

    ABŞ-dakı Valeri Plame skandalı ətrafında irəliləyən hadisələrdən bəhs edən film.

    19. Denial

    Denial filmi iki hüquqşünasın birlərinə qarşı verdikləri hüquq mübarizəsindən bəhs edir.

    18. Eight Men Out

    1919-cu ildə dünya sıralamasında Chicago White Sox’lu oyunçuların pul qarşılığında oyunu uduzduqlarında Black Sox skandalı üzərinə çəkilmiş maraqlı bir film.

    17. Snowden

    “Snowden” filmi Edward Joseph Snowden-in Amerika hökuməti haqqında bir çox gərçəkləri üzə vurmasını və həyatını ələ alır. Xatırladım ki, Snowden dünyanın ən çox axtarılan insanlarından biridir. CIA-da işləyən Snowden mindən çox sənədin işıq üzünə çıxmasına görə günahkar sayılır.

    16. Kill the Messenger

    Film, CIA ilə qurduğu möhkəm əlaqə sayəsində narkotik trafikini ifşa edən jurnalistin tikan üstündəki həyatından bəhs edir.

    15. The Queen

    İngilis xalqı dünyanın şübhəsiz ən məşhur qadını olan Şahzadə Diananın ölüm xəbəriylə şok olub inanmayınca, xalqın tragediyaya göstərdiyi reaksiyanı anlaya bilməyən Kraliça 2. Elizabeth ailəsiylə birlikdə Balmoral Qalasının divarları ardına çəkilər. Yeni seçilən məşhur Baş nazir Tony Blairə görə xalqın sakitləşməyə və liderlərindən dəstək görməyə ehtiyac duyduğu açıqdır. Bənzəri görülməmiş duyğu seli güclənərkən, Blair Kraliçanı İngilis xalqıyla təkrar birləşdirmənin bir yolunu tapmalıdır.

    14. Shattered Glass

    Stephen Glass The New Republic kimi böyük bir şirkətdə jurnalist olaraq işləyir. Onun yazdığı məqalələr hər zaman ən çox sevilən və ən çox oxunan məqalələr sırasına girər. Bu hekayələri hardan tapdığını soruşduqda isə hər zaman bir şeylər uydurar, çünki o bu hekayələri özündən uyduraraq yazır. Amma son yazdığı məqalədə elə səhvlərə yol verir ki, onun yazdığı bütün məqalələri bir bir araşdırmağa başlayarlar.

    13. Nothing But the Truth

    Washington D.C. də bir qəzetdə müxbir olan Rachel Armstronq, bir CIA agentini ifşa edər və bu məlumatı hardan aldığını heç kəsə deməz. Məlumatı ondan almaq üçün Rachelin başına hər cür oyun gətirərlər.

    12. United 93

    Film, Amerika torpaqlarında bu günə qədər həyata keçirilmiş ən böyük terrorist hücumun yaşandığı 11 Sentyabr 2001 günü qaçırılan dördüncü təyyarə olan United Airlines havaçılıq şirkətinin 93 səfər nömrəli təyyarəsində sərnişinlərin, şirkət heyətinin və təyyarə pilotlarının yaşadığı qorxu və dəhşət dolu anlarını izah edir.

    11. Erin Brockovich

    Pulu işi və gələcəyi olmayan Erin bir gün istəmədən bir vəkilin maşınını vurar. Pulu olmadığı üçün vəkilə yanında işə götürməsi üçün xaiş edər. Hamının əxlaqsız və avara gözü ilə baxdığı Erin bir gün sənədlərə baxarkən çox böyük bir hadisənin üstünü açığa çıxardar.

    10. Quiz Show

    ABŞ-da böyük populyarlıq qazanmış “Twenty One” intellektual oyunu və onun ətrafında baş verən qalmaqallı hadisələrdən bəhs edir. Harbie Stempel adlı bir yəhudi artıq aylardır yarışda mərhələ adlayır. Yarışın rəhbərliyi verilişə rəng qatmaq üçün Stempel-i qəsdən uduzdurmaq qərarına gəlir. Ədalətsizliklə Stampel-i məğlub edən Charles Van Doren xalqın sevimlisinə çevrilir və onun şəkilləri məşhur jurnalların üz qapaqlarında yer alır. Oyunu maraqla izləyənlərdən biri olan gənc vəkil Dick Goodwin oyunda baş verən hər şeyin əvvəlcədən danışılmış olduğundan şübhələnərək məsələni araşdırmağa başlayır.

    9. Fruitvale Station

    Dünya hələ Yeni il ərəfəsindədir. Heçdə yaxşı həyatı olmayan Oscar Grant ailəsi üçün həyatındakı işləri yoluna qoymaqa çalışır. 2008-ci ilin son günündə Oscarın həyatı boyu ağlına gəlməyəcəyi hadisələr onun başına gəlir. Çox böyük səs-kuyə səbəb olmuş hadisənin Youtube saytında da həvəskar olaraq çəkilən videoları var. Sadəcə dəhşətlidir.

    8. Argo

    1979-cu il 4 oktyabr tarixində İranda şah rejimi devrilir və İslam Respublikası yaradılır. Bundan sonra fanatiklər Tehranda ABŞ səfirliyini mühasirəyə alır və 52 amerikalını girov götürürlər.Bu qarışıqlıqda 6 amerikalı diplomat qaçıb Kanada səfirliyinə sığınmaq məcburiyyətində qalırlar.Bunun üzərinə CİA girovların həyatlarını xilas etmək üçün bir yola əl atır.Saxta Hollywood film şirkəti quraraq İranda film çəkmək bəhanəsiylə agentlərini İrana sızdırır.Hadisələr bundan sonra daha da şiddətlənir.

    7. Milk

    1977-ci ildə, Harvey Milk San Francisco Şəhər Məclisinə seçilərək Amerikada homoseksuallığını saxlamadan bir dövlət heyətində üst səviyyə idarəçiliyə seçilən ilk adam olmuşdur. Zəfəri, yalnız homoseksual hüquqlar adına əhəmiyyətli deyildi. Siyasi sahədə koalisiyalar arxasında idi. Yaşlı vətəndaşlardan həmkarlar ittifaqları işçilərə qədər hər kəs üçün, Harvey Milk bir uğurda döyüşmənin mənasını dəyişdirən, 1978-ci ildə ölümünə qədər də bütün amerikalıların qəhrəmanı halına gələn biri oldu.

    6. The Big Short

    Film 2000-ci illərdə amerikanı bürüyən böyük bir iqtisadi böhranı avantaja çevirərək varlı olan bir qrup iş adamınından bəhs edir.  Sistemin nə qədər alçağ olduğunu göstərən filmlərdən biri.

    5. The Insider

    Jeffrey Wigard, dövrün ən böyük siqaret firmalarından birində araşdırma hissələrinin başçısıdır. Bir gün idarə heyəti üzvləri ilə fərqli düşüncələrə sahib olmasına görə, işdən atılar. İşdən atıldıqdan sonra şirkətin bütün gizlin işlərini cəsur bir şəkildə açığa çıxarmağa çalışan Jeffrey, özunu böyük bir təhlükəyə soxar. Filmdəki hadisələr Amerikada böyük mübahisələrə səbəb olmuşdur.

    4. Spotlight

    Real hadisələr əsasında çəkilmiş bu film katolik kilisəsindəki skandalı ələ alır. Beləki jurnalistlər kilsə rahiblərinin az yaşlı uşaqları istismar etdiyini sübut etməyə çalışır. Bunu sübut edə biləcəklərmi? Film 2015-ci ilin “Ən yaxşı film” nominasiyasının qalibidir.

    3. Malcolm X

    Malcolm, dövründəki bir çox zənci vətəndaş kimi olduqca çətin və acı dolu bir həyat keçirir. Bu mənfi şərtlər onu yaşaya bilmək üçün kiçik oğurluqlar edən birinə çevrilməyə məcbur edər. Günahlarından ötəri həbsxanaya göndərildiyində isə tam fərqli bir şəxsiyyət əldə etməyə başlayar. Həbsdə olarkən başçılıq etdiyi bir zənci hərəkətinin sayəsində Malcolm tarixdəki ən çox sevilən həm də nifrət edilən Afroamerikanlardan birinə çevrilir.

    2. Serpico

    Amerikanın ən məşhur dedektivlərindən biri olan Franc Serpico’nun həyatindan bəhs edən əla bir film. Dünyanı yaxşı bir vəziyyətə gətirmək üçün çalışan Serpico bir müddətdən sonra təkcə küçələrin deyil həm də öz iş yoldaşlarının necə kirlənmiş olduğunu görər. Və bunları düzəltmək üçün öz həyatını təhlükəyə atar.

    1. All the President’s Men

    Prezident Nixon, Amerika tarixində istefaya məcbur göndərilən ilk və indilik tək prezident. Hər şey, Washington Post qəzeti müxbiri iki cəsur jurnalistin, Carl Bernstein və Bob Woodward’ın, bir dedektif keyfiyyətində etdikləri təqib nəticəsində tarixə Watergate Skandalı olaraq keçəcək hadisə ortaya çıxar.

    Əlavə olaraq : The Assassination of Richard Nixon

    Qarşınızdakı insan bəlkədə dünyanın ən saf, ən təmiz, ən sadə və ən yaxşı adamıdır. Ancaq həyat onun üçün heç də yaxşı deyil. Əlindəki hər şeyi itirən Samuel aylarca evindən bayıra çıxmayaraq ancaq televizor izləyər. Bu həyatdan get-gedə sıxılan Samuel Amerikada baş verən hadisələrə görə bütün bunların səbəbkarının Prezident Richard Nixon olduğunu düşünər. 1974-cu illərdə Amerikanın Prezidenti olan Richard Nixonu öldürmək üçün planlar qurmağa başlayan Samuel artıq hər şey üçün hazırdır. Bir ölkə sadə bir insanı necə bir vəziyyətə gətirə bilər? Sean Pennin əla rolu və əla bir filmi.

     


    Yazar:
    Fikrinizi bildirin

    Fikrinizi ilk siz bildirin


    wpDiscuz

    Bütün replikalar

    Allahım mənə dəyişdirə bilməyəcəyim şeyləri qəbul etmə gücü, dəyişdirə biləcəyim şeyləri isə dəyişdirmə cəsarəti və ikisinin arasındakı fərqi anlamaq üçün beyin ver .

    One Eight Seven