Hesabınız yoxdur? Qeydiyyatdan keçin


Giriş


Parolunuz yoxdur?
(bağla)

Hesabınız var? Giriş edin


Qeydiyyat


(bağla)
  • Top 100
  • Aktuallar (İyun 2015)

    İyun ayında film sənayesində nələr baş verdi?

    İyun ayında film sənayesində nələr baş verdi?

    Balaca Çində Böyük Qaya

    Orijinalı John Carpenter tərəfindən çəkilmiş 1986-ci il Action klassiklərindən olan Big Trouble in Little China filmi remake ediləcək. Remake-in baş rol ifaçısının isə artıq Dwayne The Rock Johnson olacağı məlumdur. Ssenarini Thor 2, X-men: First Class kimi filmlərdən tanıdığımız Zack Stentz və Ashley Miller ikilisidir. Rock bildirib ki, Carpenter-in də remake-in istehsalından yaxından iştirakını arzulayır, hətta filmi çəkməsi üçün o Carpenter-ə şəxsi müraciət də göndərib. Orijinal filmin baş rol ifaçısı Forsaj 7-nin Mr. Nobody-si Kurt Russell olmuşdu. 20 milyon büdcə ilə çəkilib kinoteatrlardan cəmi 11 milyon pul qazanan film isə sonrakı 20 ildə 200milyondan artıq Dvd/VHS/Blu-ray satışlarından gəlir götürüb. Filmin hələlik çıxış tarixi 2016-nın sonları olaraq müəyyən edilib.

    Yura dövründən qalmış T-rex-in inflyasiya

    Jurassic World filmi kinoteatrlarda rekordları alt-üst edir. Hazırda bir aya yaxındır ki, kinoteatrlara çıxmış Jurassic Park seriyasının dördüncü filmi ilk üç günündə ABŞ-da 208 milyon qazanaraq 2012 Avengersin rekordunu 1 milyon üstələyərək yeniləmişdi. İkinci həftə sonunda da 106 milyon qazanan film tarixin ən yaxşı 1-ci və 2-ci həftəsonu nəticələrini əldə edib. 21 gün ərzində ABŞ-da 527 milyon dollar gəlir əldə edərək Universal studiyasına görülməmiş uğur bəxş edib. Universalın bu ilki maliyyə göstəriciləri ilə bağlı daha ətraflı buradan oxuya bilərsiniz. Artıq Universalın bu il milyardı keçən ikinci filmi olan Jurassic World 1.4 milyardla Age of Ultron-u geridə qoyub və şübhəsiz ki 1.511 milyardlı “Qardaş” filmi olan Forsaj 7-ni də ötərək ilin ən çox pul qazanmış filmi olacaq. Amma ilin ən gəlirlə filmi olar mı, buna güc qərar verəcək 😉

    Inside-out filmi də öz növbəsində yeni rekorda imza atıb. Belə ki, açılış həftəsonunda Pixar istehsalı olan cizgi film 91 milyon qazanaraq həftənin ikincisi olub.(JW 106 milyonla lider) amma bu orijinal filmə görə(öncədən heç bir hissəsi, əlaqəli filmi olmayan bir iş) rekorddur. Rekordun köhnə sahibi isə 77 milyonla ilk həftəsinə başlamış lakin sonradan 2.7 milyardı keçmiş Avatar filmi olub.

    P.T.A+R.D.J=Snayper Monopoliyası vol2?

    Məhşur rejissor Paul Thomas Anderson(Master, There Will be Blood, Magnolia) hazırda Pinokkionun ssenarisini yazır. Baş rolun ifaçısını isə artıq məlumdur. Robert Downey JR. Studiya isə Andersonun həmçinin filmin rejissorluğunu da üstlənməsinin tərəfdarıdır. Nəzərə alsaq ki, Anderson ssenarilərini son 20 ildə yalnız özü ekranlaşdırıb, onda bu filmi də çəkəcəyinə ümid etmək olar. Downey isə filmdə(orijinalda Pinokkionu yaradan) Cipetto obrazını canladıracaq. Belə ki, Warner Bro.s istehsalı olacaq bu filmdə Cipetto gənc qalmaqdan ötrü özünü taxdadan hazırlanmış bir məhfuma çevirəcək.

    Məhşur stolüstü oyun Monopoliya əsasında iqtisadi-siyasi film çəkiləcək. Hasbro oyuncaqlar qrupunun məhsulu olan bu oyunun “ekranlaşdırmasının” ssenarisini hazırda İn-time filminin rejissou Andrew Niccols yazır. Xatırladaq ki, Battleship(stolüstü pinball oyunu), Transformers və G.I.Joe oyuncaqları da Hasbro məhsulları olub.

    American Sniper filminin uğurundan sonra onun ssenaristi Jason Hall başqa bir Snayperin avtobioqrafiyasının ekranlaşdıracaq. Belə ki David Finkel-in Thank You For Your Service-Xidmətinizə görə təşəkkkür adlı əsəri əsasında çəkiləcək filmdə də İraqdan qayıtmış travmalı zabitin həyatından danışılacaq. 550 milyon gəlir gətirən American Sniper sübut etdi ki, bu janra maraq çox böyükdür. Qeyd: Hər iki filmin yayın haqları Steven Spielberg-də olsa da, o, sonradan bu filmlər əvəzinə daha sülhistəkli filmlər çəkəcəyini demiş və rejissorluq postundan uzaqlaşmışdı.

    Və İyun ayının digər maraqlı xəbəri: James Gunn tərəfindən 2ci hissəsi çəkiləcək olan Guardians of Galaxy(GOG) filminin 2-ci hissəsi sadə şəkildə GOG vol2 adlanacaq 😉 Bu arada Comics sevərləri ilk milli komiks cəmiyyəti CagnAZ-ın facebook səhifəsinə dəvət edirik.

     

    Qeyd: Dostlar, aktuallar guşəmizi həftəlik planlaşdırsaq da, iş yoğunluğu üzündən hazırda həftəlik cədvəllə hərəkət edə bilmirik, lakin tezliklə işimizin keyfiyyəti daha da artacaq. Dəstəyinizə görə hər birinizə minnətdarıq.

    Hörmətlə, Kinoms.com 🙂

     


    Fikrinizi bildirin

    Fikrinizi ilk siz bildirin


    wpDiscuz

    Bütün replikalar

    Sənə çox pis şeylər demişdim, qəlbim qırılmışdı. Səninki də qırılmışdı, bilirəm.

    Manchester by the Sea