Hesabınız yoxdur? Qeydiyyatdan keçin


Giriş


Parolunuz yoxdur?
(bağla)

Hesabınız var? Giriş edin


Qeydiyyat


(bağla)
  • Top 100
  • Shutter Island filminin analizi

    Shutter Island, dilimizə tərcümədə Zindan Adası filmi Teddy adlı bir detektivin adaya gəlib dəlixanadan qaçmış bir ruhi xəstənin necə qaçdığını və hara qaçdığını araşdırmasından danışır…danışır?!

    Başlanğıcda bütün hadisələrin təmiz və şübhəsiz getməsi bizdə bu təsəvvürü yaradır. Xəstəxandan qaçan qadının – Rachel Solando‘nun o şəkildə qaçması, o cür adada uzağa gedə bilməsi üçün heç bir ehtimal olmaması və ətrafdakıların buna münasibətinin məntiqsiz olması ilk şübhələri ortaya qoyur. Bu arada Detektiv Teddy ölmüş arvadı və onun tez-tez sayıqladığı Andrew Laeddis ilə yuxularından oyanmağa davam edir. Teddy’nin Andrew Laeddisin ardınca düşmə fikri, Rachel Solandonun birdən-birə o qədər tufanın arasında yarasız şəkildə yerinə qayıtması məsələnin fərqli olduğunu düşünməmizə ilk təkanı verir, belə ki fimdə 2 dəfə onun çölə yalınayaq çıxdığı faktı vurğulanır. Çarəsiz olanları qəbul etməli olan Teddy’nin ağlında artıq 2 sual var 67-ci xəstə kimdir? Andrew Laeddis haradadır?

    Bəli, Andrew Laeddis, bu adı ilk dəfə arvadından eşidirik:

    – Rachel Solando buradadır, deməli o da buradadır.

    – Kim?

    – Laeddis.

    shutter_island_1

    Bu andan o Andrew Laeddisin axtarışına başlamışdı və bunu əsl məqsədi kimi görürdü. Tufandan sonra fürsət tapan Teddy və partneri Chuck Blok C’yə giriş edirlər.

    Detallar

    Bir yerdən sonra kolidorlarda tək gəzən Teddy kiminsə Laeddis deyə pıçıldadığını eşidir. O köhnə dostu ilə rastlaşır və söhbət etməyə başlayırlar. Teddy’nin Laeddis haqqında dediyi yadınızdadır? Kibritlər! Sizcə köhnə dostu ilə dialoq səhnəsində detektivin kibrit yandırmasının bu qədər önə çıxarılmasında bir məqsəd yoxdur? Bəs Laeddisin kibritlərə olan həvəsi? Bəs filmin afişasındakı kibrit?

    shutter_island_4

    Bəli Teddy deyə tanıdığımız şəxs əslində Laeddisdir. Bəs necə?

    Bu nöqtədən sonra film bizə Laeddisin kim olduğunu deyir əslində və bunu izah etməyə başlayır. Amma bundan əvvəl də çox önəmli bir nöqtə var. Görünməz stəkan! Yəqin ki, o sizin də ağlınızda suallar qoyub, hətta film bitdikdən sonra belə.  Orada 2 çəkiliş bucağı diqqət çəkir, ilki Teddy tərəfdən çəkiliş, ikincisi qadın tərəfdən. Teddy stəkanı “görmür”, amma mövcuddur. Bu Teddy’nin su ilə(göl ilə) bağlı xatirəsinin canlanmasından və onu suyu görmək istəməməsindən irəli gəlir. Filmdə yağış səhnələrinə diqqət yetirsəniz bu Teddy üçün hər zaman xatirələrlə sonlanır. “Niyə hər yerin yaşdır?” Əgər filmdə bizə ip ucu verən şeylərdən biri kibritdirsə, digəri görünməz stəkandır. İlk bucaq, Teddy stəkanı görmür:

    shutter_island_2

    İkinci bucaq, qadın tərəfdən stəkan görünür və stəkan sadəcə içindəki su qurtarandan sonra səhnəyə daxil olur:

    shutter_island_3

    Daha sonra bir şəxs daha qarşımıza çıxır, bir həkim və onun adı da Rachel Solandodur. Hər şey rahatca aydınlaşa bilərdi amma bu nöqtədə film ağlımızı qarışdırır. Əslində elə burada Teddy öz ağlını qarışdırıb bir yalana inanmaq istəyir. Orada söhbət etdiyi qadın onun xəyalıdır və əslində mövcud deyil. Aralarındakı dialoqdan isə belə çıxır ki, bu dəlixanada əslində insanlar üzərində təcrübə aparılır və fərqli yeməklərə, siqaretə qatılmış dərmanlarla insanlar ruhi xəstəyə çevrilir. “Teddy” özünü buna inandırmaq istəyirdi, çünkü ağlının belə qarışıq olduğunu özünə başqa cür izah edə bilmirdi.

    Buna özünü yaxşıca inandırdıqdan sonra fənərə doğru hərəkətə keçir və içəri daxil olur. Əlində boş silan, stolun üzərində özünün əslində oyuncaq olan silahı və qarşısında həkim ilə partneri. Burada onun əslində arvadının qatili olduğu, arvadı Doloresin isə 3 uşağının qatili olduğu izah olunur. Yəni Rachel Solando personajı əslində onun arvadının xarakterinə sahib idi.

    Burada hər şey aydın olmuş olur amma yenə də insanın ağlında bunların doğrudan da “Teddy”nin dəli olduğu yoxsa dəlixananın baş həkiminin onu aldadaraq dəli eləmək istədiyi barədə şübhə qalır. Bu şübhə isə final səhnəsi ilə aradan qalxır. O final səhnəsində “Chuck”a partner dedikdən sonra, “Chuck” həkimlərə tərəf dönüb təəssüflə müalicənin alınmadığını başı ilə işarə edir və “Teddy”ni yuxulatmaq üçün ona tərəf gəlirlər. Və o son replika:

    “Səncə hansı daha pisdir? Bir canavar kimi yaşamaqmı yoxsa yaxşı biri olaraq ölməkmi?”. Yəni o iki şəxsiyyətli olduğunun fərqindədir, amma bunu idarə edə bilmir. Belə ki, Laeddis olaraq yaşamaqdansa, Teddy olaraq “ölməyi” seçir. (Əslində ölmür, sadəcə beyin sinirləri alınır – psixoloji cərrahiyyə – və bədəni yaşasa da filmdəki ifadə ilə desək “zombiyə” çevrilir)

    Xülasə

    Yuxarıdakı bütün detalları cəmlədikdə bu nəticələrə gəlirik: Laeddis müharibə dövrünü keçirmiş, Daxau həbs düşərgəsində çoxlu insanın ölümünə şahid və səbəb olmuş, psixologiyasına zərbələr almış biridir. Sonradan Marshal detektivi olan Laeddis Doloris adlı gözəl amma psixologiyasında problem olan bir qadın ilə evlənir. Arvadı öz evlərini yandırır. Müalicə alan arvadı ilə göl kənarına köçürlər. Laeddis arvadının müalicəsi ilə doğru məşğul olmur və evə gəldiyində arvadı artıq uşaqlarını göldə boğaraq öldürmüş olur. O da bunun verdiyi qəzəb ilə arvadını öldürür. Laeddis Zindan Adasına yerləşdirilir və burada müalicə almağa başlayır. O özünə Teddy adında ikinci bir şəxiyyət yaradır, arvadının uşaqlarını özünün də arvadını öldürdüyünə inanmaq istəmir. Film boyu qız uşağı tərəfindən deyilən “Bizi niyə xilas etmədin?” cümləsi də onun yaşadığı günahkarlıq duyğusunu göstərir. Həkimllərin səyləri(bu tip oyunları) nəticəsində, müalicəsi dövründə öz əsl şəxsiyyəti ilə bir neçə dəfə “üz-üzə” gəlsə də içindəki Teddy şəxsiyyəti o qədər güclü olur ki yenidən hər şeyi unudub Teddy’ə çevrilir. Ətraf üçün təhlükəli bir xəstə olduğu üçün də, müalicədə öz əsl şəxsiyyəti ilə üzləşməsi üçün ona verilən son şansdan sonra sinirləri aldırılır.

    Filmin sonu David Cox tərəfindən edilən rəsmi araşdırmanın nəticəsi  və kitabdan çıxan nəticə üzrə dəqiqləşdirilib. Biz sizə bu nəticəyə aparan fakt və detalları təqdim edirik.

     


    Yazar:
    Fikrinizi bildirin

    8 Şərhlər - "Shutter Island filminin analizi"


    Sıralama:   Ən yenilər | Köhnələr | Bəyənilənlər
    09.04.2016 23:34

    Admin tesekkur.

    23.03.2016 22:44

    Məqaləni oxudum məntiqə uyğundu ama əgər o oradakı xəstələrdən biri idisə onun çöldə nə işi vardı adadan qıraqda?? Məncə final bölümündəki səhnədə canacar kimi yaşamağı jack aid etmişdi

    24.03.2016 03:09

    Çox sağolun bu cvb məni rahatlandırdı

    22.06.2016 23:40

    əla analiz etmisiz həqiqətən , təşəkkür

    12.05.2016 13:09

    Əgər Laeddisin sinir ucları çıxarılırsa və ən son dəniz fənıri səhnəsi gəlirsə deməli sinir uclarını almaq üçün dəniz fənərinə gedilir. Labaratoriya da dəniz fənərindədirsə, içəridəki bütün otaqlara baxanda niyə onu görmüyüb? Buda onu göstərir ki dəli deyil. Buna inandırlırı və həkimi isə onlara inandıra bilmədiklərini bildirmək üçün başı ilə işarə edir.

    31.10.2016 03:20

    Leonardonun rolu nece apardığına baxın möhtəşəm ötəsi,məni hələdə azca belə olsa Teddy olduğuna inandırıb.Onun leades olduğuna inanmaq istəmirəm (ama elədi əslində) yəni möhtəşəm bir film

    wpDiscuz

    Bütün replikalar

    2008 ci ildə Amerikada maliyyə krizi olsa bundan xilas olmağı başardı . Amma bu krizə səbəb olanlar hələdə öz işlərindədir. Biz bunun reform yolu ilə dəyişdirilməsini istəyirik. Bilirik bu çətindir. Amma bunun üçün mübarizə aparmağa dəyər..

    Inside Job